புதன், ஆகஸ்ட் 30, 2017

சந்தோஷப்பட முடியுமா ?

30.08.2017

கலைச்செல்வி கில்லர்ஜி

சேனா இன்று நமது திருமணநாள் இந்நாளில் நான் சந்தோஷப்பட முடியுமா ?
நீ இல்லாததால் எவ்வளவு இழப்புகள் வேதனைகள் விடை அறியாத வாழ்வு.


க. வனிதா

வனிதா இன்று உனது பிறந்தநாள் இந்நாளில் நான் சந்தோஷப்பட முடியுமா ?
நீ மறைந்து போனதால் இன்று எனது வாழ்க்கையில் எவ்வளவு மாற்றங்கள்.

என்னவளுக்காக எனது முந்தைய கவிதை தொடர்கள் கீழே...

ஞாயிறு, ஆகஸ்ட் 27, 2017

எல்லாம் மண்ணாச்சு...


எல்லோருமே பழைய பாடலை காப்பியடித்து பாடல் எழுதுகிறார்கள்... அதுவும் சிலபேர் பழைய பாடலை அப்படியே எழுதி அதே இசையை புதுமெட்டு எனச்சொல்லி ஏமாளிகள் இருக்கும்வரை நமக்கு ஏறுமுகம் என்ற தைரியம் எழுதுகிறார்கள் நான் அவசரமாக உகாண்டாவுக்கு புறப்பட்டு கொண்டிருந்தேன் எமது இனிய நண்பர் தயாரிப்பாளர் திரு.சாம்பசிவம் தன்னோட படத்துக்கு நீங்க ஒரு காதல் தோல்வி பாடல் எழுதணும்னு சொல்லி நிறுத்திட்டாரு வேறவழி  போற வழியில... காரிலேயே எனக்கு பிடித்த பாடலான நான் உன்னை நினைச்சேன் பாடலை அப்படியே மாற்றி எழுதி கொடுத்த பிறகுதான் விமான நிலையத்துக்குள் விட்டார் இதோ பாடலை S.P.பாலசுப்ரமணியம் வாணி ஜெயராம் பாடிய மெட்டில் பாடவும்.

1980 - படம்  
கண்ணில் தெரியும் கதைகள்
இத்திரைப்படத்திற்கு ஐந்து இசையமைப்பாளர்கள்
திரு.கே.வி.மகாதேவன், திரு.ஜி.கே.வெங்கடேஷ், திரு.அகத்தியர், திரு.சங்கர்-கணேஷ், திரு.இளையராஜா
இணைந்து இசையமைத்தார்கள் மேலும் ரீ-ரிக்கார்டிங் இளையராஜா என்பதும் குறிப்பிடத்தக்கது

ஆண்
நான் உன்னை நினைச்சேன்...
பெண்
நான் அவரை நினைச்சேன்...

ஆண்
உன்னாலே மனம் ரெண்டாச்சு...
பெண்
உன்னாலே எல்லாம் மண்ணாச்சு...

ஆண்
அவன் நம்மை பிரிச்சுப்புட்டான்...
பெண்
நீ கதையை திறுச்சுபுட்டே...

ஆண்
உன் கோபத்தில்கூட கன்னம் செவந்திடுச்சு...
பெண்
என் அறையில்கூட உன்கன்னம் செவந்திடுமே...

ஆண்
அவன் கொஞ்சம் விட்டு கொடுத்தால்...
பெண்
என் நெஞ்சம் பட்டுபோய் விடுமே...

ஆண்
நீ பட்டுப் போனால்... நான் செத்து விடுவேன்...
பெண்
நீ செத்து தொலைஞ்சா... நான் மொட்டு விடுவேன்...

ஆண்
யேண்டியம்மா என்னை உனக்கு பிடிக்கலையா...
பெண்
ஒம்மூஞ்சை நீ கண்ணாடியில் பார்க்க வில்லையா...

ஆண்
பார்த்தா பிடிக்காது... ஆனா பார்க்க பார்க்க பிடிக்குமே...
பெண்
ஒம் பஞ்ச் டலயாக்குல நான் தீயவெக்கே...

ஆண்
நீ தீயவெச்சா... எம் மனசு நோகுமடி...
பெண்
நீ இப்படி பேசினா நான் கொடுப்பேன் செருப்படி...

ஆண்
நான் ஓடிவந்து போடப்போறேன் பூமாலை...
பெண்
நீ நடந்து வந்து போட்டாலும் அது பிணமாலை...

ஆண்
நான் உன்னை நினைச்சேன்...
பெண்
நான் அவரை நினைச்சேன்...

ஆண்
உன்னாலே மனம் ரெண்டாச்சு...
பெண்
உன்னாலே எல்லாம் மண்ணாச்சு...


video

காணொளி

வெள்ளி, ஆகஸ்ட் 25, 2017

இது நியாயமா ?


கடவுள் தூணிலும் இருப்பார், துரும்பிலும் இருப்பார் என்று கல்லிலான கடவுளுக்கு பாலாபிஷேகம் செய்யும் பலரும் ஏழையின் சிரிப்பிலும் இருப்பார் என்பதை நம்பி அவர்களுக்கு தர்மம் கொடுக்காமல் உதாசீனப்படுத்தி பேசுகின்றார்களே... இது நியாயமா ?
* * * * * * * * * * 01 * * * * * * * * * *

தாழ்த்தப்பட்ட ஜாதியில் பிறந்தவர்கள் என்று அவர்கள் வீட்டில் தண்ணீர் வாங்கி அருந்துவதைக்கூட நாம் ஒதுக்கி வைப்பவர்கள் அதேநேரம் உயர்ந்த ஜாதியில் பிறந்தவர்கள் தாழ்ந்த ஜாதியில் பிறந்த மருத்துவர் தன்னை பரிசோதிக்கும் பொழுது விட்டுக் கொடுக்கின்றார்களே... இது நியாயமா ?
* * * * * * * * * * 02 * * * * * * * * * *

தனது இளவயது மனைவி இறந்து விட்டதால் அவள் உடுத்தியிருந்த உடைகளை சொந்த பந்தங்களுக்கு கொடுத்தால் வாங்க மறுப்பவர்கள் அவள் போட்டிருந்த தங்க நகைகளை மட்டும் மறுக்காமல் வாங்கி கொள்கிகின்றார்களே... இது நியாயமா ?
* * * * * * * * * * 03 * * * * * * * * * *

தான் தமிழ்நாட்டை ஆளும் மந்திரிகளில் ஒருவராக இருந்தும் பொது இடத்தில் வயதின் தன்மையைக்கூட மறந்து ஊடகங்கள் புகைப்படம் எடுப்பது தெரிந்தும் காலில் விழுபவர்கள் தனது தலைமையில் நடக்கும் விழாக்களுக்கு வரும் பொழுது மேடையில் பந்தாவாக உட்கார்ந்து பேசுகின்றார்களே... இது நியாயமா ?
* * * * * * * * * * 04 * * * * * * * * * *

கணவனே கண்கண்ட தெய்வம் என்றும் கணவர்களின் நல்வாழ்வுக்கு வேண்டி என்ற பெயரில் பெண்கள் ஆண்களை ஒதுக்கி ஏமாற வைத்து செவ்வாய்க் கொழுக்கட்டை அவித்து தனியாக அவர்கள் மட்டும் சாப்பிடுகின்றார்களே... இது நியாயமா ?
* * * * * * * * * * 05 * * * * * * * * * *

தமிழ் நாட்டில் பெரும்பாலான அரசியல்வாதிகள் தமிழைக் கையில் எடுத்துக்கொண்டு அரசியல் நடத்தும் அனைவருமே வேற்று மொழிக்காரர்களாக இருக்கின்றார்களே இது தெரிந்திருந்தும் உண்மையான தமிழர்கள் அவர்களுக்காக வாழ்க கோஷம் போடுவதோடு உயிரையும் கொடுக்கின்றார்களே... இது நியாயமா ?
* * * * * * * * * * 06 * * * * * * * * * *

தெருவுக்குள் வறுமையின் காரணமாய் தனது குழந்தைகளை காப்பாற்ற தன்னைக் கொடுத்தவளை விபச்சாரி என்று ஒதுக்கி வைக்கும் சமூகம் திரைப்படத்தில் நடித்தால் மட்டும் கோவில் கட்டுவதோடு காலில் விழுந்து வணங்குகின்றார்களே இது நியாயமா ?
* * * * * * * * * * 07 * * * * * * * * * *

தமிழ் நாட்டில் பல தாய்மார்கள் தனது மகனை தமிழ் பேசும் பக்கத்தில் இருக்கும் சென்னைக்கு தனியாக அனுப்புவதற்கு எம்புள்ளை அப்பாவி என்று மறுப்பவர்கள் வேற்று மொழி, வேற்று மதம், வேற்று உணவு உள்ள வெகுதூரத்தில் இருக்கும் துபாய்க்கு மட்டும் தைரியமாக அனுப்புகின்றார்களே... இது நியாயமா ?
* * * * * * * * * * 08 * * * * * * * * * *

தமிழ் மொழிக்காக எனது உயிரையும் கொடுப்பேன் என்று சொன்ன அரசியல் தலைவர்கள் பலரும் ஒரு முறையாவது தூக்குப்போட்டு காண்பிக்காமல் மீண்டும், மீண்டும் அதே வார்த்தையை சொல்லி பாமர மக்களை ஏமாற்றுகின்றார்களே... இது நியாயமா ?
* * * * * * * * * * 09 * * * * * * * * * *

நமது கழிவுகளை உண்பதால் பன்றிகளை ஈனப்பிறவிகளாக நினைத்து ஒதுக்குகின்றோம் அதேநேரம் தேனீக்கள் தனது கழிவுகளை ஒதுக்கும் பொழுது அதை தேன் என்றும், அமிர்தம் என்றும் நினைத்து வழித்து நக்குகின்றோமே... இது நியாயமா ?
* * * * * * * * * * 10 * * * * * * * * * *

Chivas Regal சிவசம்போ-
…. ? ? ?
அனைவருக்கும் விநாயகர் சதுர்த்தி வாழ்த்துகள் – கில்லர்ஜி

புகைப்படங்கள் எதிர்வரும் 99 வருடங்களுக்கு ஓசி கொடுத்த சகோ திருமதி. ராஜி அவர்களுக்கு நன்றி

புதன், ஆகஸ்ட் 23, 2017

சிந்திய வெண்மணி

I'm in Blood Bank Bus.

சிந்திய வெண்மணி சிப்பியில்தான் முத்தாக வில்லை

குப்பியிலாவது வித்தாகட்டுமே...

இவ்வுலகில் இறந்தும் இருந்திட கண்தானம் செய்வீர்.


சாம்பசிவம்-
மொதலே நீ செய்யுலே...

 

Lions Eye Bank in T. Nagar, Chennai - 600017 Phone: 044-24344144, 044-24343532

Frontline Satellite Eye Hospital in Ambattur, Chennai - 600053 Phone: 044-26582666

Sankara Eye Care, Coimbatore - 641035 Phone: 0422-2666418

Sankara Nethralaya Eye Hospital in Greams Road, Chennai - 600006 Phone: 044-28271616

Aravind Eye Hospital, Madurai - 625020 Phone: 0452-2532653
Udhi Eye Hospital in Alwarpet, Chennai - 600018 Phone: 044-43471111, 044-42188845

Uma Eye Clinic in Anna Nagar, Chennai - 600040 Phone: 044-66247751, 044-26213670

விழி அகம்

(Open Heart)

திங்கள், ஆகஸ்ட் 21, 2017

சொல் தமிழா...

யாருய்யா.... இதுல சீமான் புகைப்படத்தை சொருகியது ?


* * * 01 * * *
நான் ஆத்திகமோ, நாத்திகமோ பேசவரவில்லை தெய்வம் என்றால் உலகம் முழுவதும் உள்ள மனிதர்கள் தெரிந்திருக்க வேண்டும், ஆனால் தமிழ் நாட்டில் சில தெய்வங்களை சில திரைப்பட நடிகர்கள் அறிமுகப்படுத்தி இருகிறார்களே ! இது கேளிகூத்தாக இல்லை. தாய் மூகாம்பிகை, ஸ்ரீராகவேந்திரர், ஐயப்பன் இவர்களெல்லாம் தமிழ் நாட்டில் பிரபலமடைந்தது... சில திரைப்பட நடிகர்களால் என்பதை யாரும் மறுக்க முடியுமா ? இதில் இன்னொரு வேடிக்கை என்னவென்றால் ? இந்த நடிகர்கள் தமிழர்களும் அல்ல சுயகாரணங்களுக்காக அவர்கள் வணங்கினார்கள் சரி ஆனால் அதே வழியை ரசிகன் என்பதால் தானும் பின்பற்றுவது முறையா ? இந்த அறியாமைகள் சமூகத்தால் பெருமைப்பட முடியுமா ?

* * * 02 * * *
முன்னாள் பிரதமர் இந்திரா காந்தி அவர்கள் சுட்டுக் கொல்லப்பட்ட பொழுது தீக்குளித்து இறந்தவர்கள் 8 பேர் இவர்கள் இந்திரா காந்தி மகன்களோ, இந்திரா காந்தி பிறந்த மாநிலத்தையோ வேறு எந்த மாநிலத்தையும் சேர்ந்தவர்கள் அல்லர் 8 பேருமே தமிழர்கள் இந்த அறியாமைகள் சமூகத்தால் பெருமைப்பட முடியுமா ?

* * * 03 * * *
ஒரு திரைப்படத்தில் கசாநாயகனை (தமிழன் அல்ல) அனாதைப்பயலே என்று வசனம் பேசிய காரணத்தால் சென்னையில் ஒரு நடிகையின் (தமிழச்சி) வீடு கல்வீசி தாக்கப்பட்டது அதில் போலீஸாரால் பிடித்து போனவனின் வாழ்க்கை திசைமாறி போய் விட்டது குடும்பம் சின்னா பின்னமாகி விட்டது எனது நண்பனுக்கு வேண்டப்பட்ட குடும்பம் இந்த அறியாமைகள் சமூகத்தால் பெருமைப்பட முடியுமா ?

* * * 04 * * *
நண்பனுக்கு திருமணம் என்றால் வாழ்த்தி சுவரொட்டி ஒட்டுகின்றான் நல்ல செயல்தான் அதிலும் தனது நடிகனை புகழ் பாடுகிறான் எப்படி ? மணமக்கள் இருவரும் எங்கள் அண்ணன்-அண்ணியைப்போல வாழ்க ! என்று அவன் சொல்லும் அண்ணனும் அண்ணியும் விவாகரத்து வரை போய் விட்டு திரும்பியவர்கள் இந்த அறியாமைகள் சமூகத்தால் பெருமைப்பட முடியுமா ?

* * * 05 * * *
திருமண விழா ஒன்றில் மணமக்களை M.L.A வாழ்த்திப் பேசுகிறார் எப்படி ? மணமக்கள் இருவரும் எங்கள் தலைவனைப் போலவும் (ஒரு குறிப்பிட்ட நடிகையையும் இணைத்து அவர்கள் இருவருமே இறந்து விட்டார்கள் என்று நான் சொன்னால்தான் புரியுமா ?) அவர்களைப் போல வாழ்க ! என்று திருமணத்திற்கு வந்தவர்கள் முகம் சுழிக்கிறார்கள் காரணம் அவர்கள் இருவரும் திருமணம் செய்யாமலே வாழ்ந்தவர்கள் அவருக்கு மனைவி உண்டு என்பது வேறு விசயம் எப்படி என்று நான் விளக்க முடியுமா ? இந்த அறியாமைகள் சமூகத்தால் பெருமைப்பட முடியுமா ?

* * * 06 * * *
பத்திரிக்கையை புரட்டினால் நடிகருக்கு 60 அடி உயர கட்டவுட் கட்டும்போது கீழே விழுந்து ரசிகர் பரிதாப மரணம் கட்டவுட்டிற்கு பாலாபிஷேகம் ரோட்டில் ஓடிய பாலால் மோட்டார் சைக்கிள்கள் வழுக்கி விழுந்து சாலைகளில் அபகடம் தலைவன் படம் வெளியிடாததால் நடுரோட்டில் ரசிகர் தீக்குளிப்பு இப்படிப்பட்ட செய்தி இந்த அறியாமைகள் சமூகத்தால் பெருமைப்பட முடியுமா

சொல் தமிழா... சொல் ?

சனி, ஆகஸ்ட் 19, 2017

குடியாட்சியாம்...


மக்கள் நலத்திற்காக மக்களே மக்களை ஆள்வது குடியாட்சி.

சமீபத்தில் நாட்காட்டியில் தமிழனுக்காக உள்ள இந்த பொன் மொழியை கண்டேன் அதில் சிறிது திருத்தம் கொண்டேன் ஏனெனில் தற்கால இந்தியன் அனைவருக்கும் இது பொருத்தமே...

தன்மக்கள் நலத்திற்காக தன்மக்களே மக்களை ஆள்வது குடியாட்சி.
இதுவே சரி.

வியாழன், ஆகஸ்ட் 17, 2017

பல் மூன்று



ஒரு விசும்பல்...
எனக்கென பிறந்தாய்...
என்னுடன் வளர்ந்தாய்...
எனக்காக மலர்ந்தாய்...
அழகாய் இருந்தாய்...
கண்ணுக்கு விருந்தாய்...
தோட்டக்காரன் வந்தான்,
பறித்து கொண்டு சென்றான்,
பறி கொடுத்து நின்றேன்,
என் மனதையும் கொன்றான்.
வாடாமல்லி நீ வாடிச்சென்றாய்...
வாடாமல் நீ என்மனதில் நின்றாய்...
- ஒரு வாடாமல்லிச்செடி.

ஒரு புலம்பல்...
அவள் என்னைப்பார்த்து...
சிரிக்காமல் போயிருந்தால் ?
நான் ஐ லவ் யூ சொல்லியிருப்பேனா ?
அவளை காணாமல் இருந்திருப்பேனா ?
அவளைப்பற்றியே நினைத்திருப்பேனா ?
ஒரு நாளாவது அவளை மறந்திருப்பேனா ?
அவள் வீட்டை கடக்காமல் போயிருப்பேனா ?
அவளும் நேசித்தால், விட்டுக்கொடுப்பேனா ?
அவளை அவனுக்கு, தாரை வார்த்திருப்பேனா ?
அவளால் நான் குடிகாரன் ஆகியிருப்பேனா ?
அவளது சரித்திரம் எழுதப்போகிறது... என் பேனா.
- எழுத்தாளன் எழில்.

ஒரு அலம்பல்...
யாருடா அங்கே  டாஸ்மாக் எங்கே ?
டேபிள்போடு பிரன்ட்ல வருவான் ஃபிரண்டு
நான்தான் குமாரு... அடிப்பேன் டமாரு..
கெனிக்கன் பீரு... குடிப்பேன் பாரு...
முட்டை ஆம்லெட்டு வர யேண்டா லேட்டு ?
சிக்கன் கொண்டா சொக்கன் வருவான்.
ரம்’’மும் எடுத்து வா ! ரம்பாவும் வருவாள்.
சிவசம்போ வந்துட்டான் Chivas Regal எங்கே ?
ஊறுகாய் கொண்டு வா ! ஊறுதே வாயி.
ஸ்நாக்குக்கு பூந்தி எடுப்பேன் வாந்தி.
வருவோம் முந்தி போவோம் பிந்தி.
- குடிமகன் குமார்.

செவ்வாய், ஆகஸ்ட் 15, 2017

முழுசும் எதற்கு ?

வணக்கம் மேடம் சுதந்திர தினத்துக்காக பேட்டி கொடுக்க வந்திருக்கும் உங்களுக்கு எங்கள் மோடோ தொலைக்காட்சி சார்பாக வாழ்த்துகளை தெரிவித்து கொள்கிறோம்.
வன்க்காம் எண்ணுடொயா ரசிகாருக்கு சொதந்திரா வாத்துகால்

நீங்கள் திரையுலகத்தில் காலடி எடுத்து வைத்தது எப்படி அதைக் கொஞ்சம் விளக்க முடியுமா ?
ஆக்செலி இத்து ஆக்ஸிடெண்ட்தான் ணான் லண்டன் கேம் ப்ரிட்ஜ் கோலேஜ்ல ஃபைனல் இயர் பன்னிகுட்டி இருந்துச்சு அப்போதான் டைரக்டர் மிஸ்டர் பாடாவதி ராஜா கன்னுல பட்ருச்சு சட்டர்ன்லி நீங்க ஃபிலிம்ல ஆக்ட் பன்னு முடியிதானு கேட்டுச்சு ணான் மம்மி, டாடியை கேட்டு சொல்லுதுனு சொல்லி ஆப்டர் பெர்மிஷன் ஐ ஸ்டார்டட் ஆக்ட்டிங்

உங்களுடைய முதல் படம் முழுசும் எதற்கு இதில் நீங்கள் நடித்த முதல் காட்சி அந்த அனுபவம் பற்றி....
ஆங் ஃபர்ஸ்ட் ஸீன் ஃபர்ஸ்ட் நைட்தான் காமெரா மென்னடி நிக்குராதுக்கு வெளக்கமாரு... ஸாரி வெக்குமாச்சு ஹீரோ ஸார்தான் அத்தை கொஞ்சும் கொஞ்சும் சறியாக்கிச்சு.

இந்த படத்தின் ஹீரோ மிஸ்டர். ஜீரா இவரைப்பற்றி என்ன நினைக்கிறீங்க ?
அவுறு வெறி ஜென்டில்மேன் என்கூ நடுப்பு ஜொள்ளி கொடுத்துச்சு

நீங்க ரொம்ப அழகாக தமிழ் பேசுறீங்களே எப்படி ?
ஆக்செலி எங்கு டாடி இண்டியாவுல பன்டிசெறிக்கார்ருதான் மம்மிதான் லண்டன். ஹவுஸ்ல ணான் டமில் பேச்சூம்

தமிழ் நடிகைகளில் உங்களுக்கு பிடித்தவர் யார் ?
என்கூ புட்சது சவுத்ரி மேடம் நடுப்புதான் ணானும் அவுங்களா மாறி பேருடக்கணும்.

தமிழ் ரசிகர்களைப்பற்றி நீங்க என்ன நினைக்கிறீங்க ?
ரெம்பே நள்ளுவங்க ஃபிலிம் ரிலிஸ் அணைக்கு ணான், டைரக்டர், ஹீரோ முன்னுபேரும் தியேட்டருக்கு போச்சு ரசிகாரு எண்ணுடொயா கட்டவுட்டுக்கு பாளுத்துச்சு.

முதல் முறையாக தியேட்டரில் நீங்கள் நடித்த படத்தை காணும் பொழுது அதுவும் படத்தின் டைரக்டரும், ஹீரோவும் வந்துருக்காங்க நீங்க பெரிய அதிஷ்டசாலிதான் அந்த அனுபவத்தைப் பற்றி சொல்லுங்களேன்
டைரக்டரூம், ஹீரோவூம் என்கூ லெப்ட் அன்ட் ரைட்ல உக்கந்து நள்ளா கோமெடி பன்னிகுட்டி இருந்துச்சு தட் வாஸ் எ குட் எக்ஸ்பீரியன்ஸ்

உங்களுக்கு சகோதரர்கள், சகோதரிகள் ?
எங்கூ ஃபேமிலியில ணான் மட்டும்தான்

நீங்க அம்மாவுக்கும், அப்பாவுக்கும் செல்லப்பிள்ளை இல்லையா.... இப்போ உங்களுடைய அம்மா அப்பா எங்கே இருக்காங்க ?
மம்மி டாடியை டைவேர்ஸ் பன்னிட்டு அவுங்குளுட ஓல்ட் பாய் ஃப்ரண்ட்கூட செட்டில் ஆகிச்சு டாடி ஐ..... திங்க் நௌ ஸ்டேய்ஸ் இன் ஃப்ரான்ஸ்

இப்பொழுது உங்களுடைய பாதுகாப்புக்கு யார் ?
இப்பூ எங்கூட மை கோலேஜ் ஃப்ரண்ட் மிஸ்டர். ஃப்ரேய் இருக்கூ

மிஸ்டர். ஃப்ரேய்தான் உங்களை திருமணம் செய்வாரா ?
அத்து மை பாய் ஃப்ரண்ட் மிஸ்டர். கெண்ட்லிய கேட்டு டெஸைட் செய்யும்

நல்லது தங்களது திருமண வாழ்க்கை நல்ல விதமாக அமைய எங்களது மோடோ தொலைக்காட்சி சார்பாக வாழ்த்துகள். சுதந்திர தினத்துக்காக உங்களுடைய ரசிகர்களுக்கு என்ன சொல்ல விரும்புறீங்க ?
ரசிகாரு அல்லாரும் சொதந்திராவுக்கு தியேட்டருல பொய்யி படாம் பாருங்கானு சொள்ளி வாத்துகால்.

நன்றி வணக்கம்.
நண்ரி வன்க்காம்.

சிவாதாமஸ்அலி-
கொட்டாம்பட்டி கண்மாயில விறகு பொறுக்கி வித்தவ... கொஞ்சம் எடுப்பா இருந்ததால சினிமா சான்ஸ் கிடைச்சதும் தமிழே தெரியாதது மாதிரி என்னா... உடான்ஸ் விடுறா...

சாம்பசிவம்-
இது அழகான தமிழாடா ? அடப்பேதியில ஓயிறுவியலா எல்லாப் பயலும் வாய் கூசாமல் எல்லாச் சிறுக்கிகளையும் இப்படித்தானடா சொல்றீங்க... உங்க வாயில வசம்பு வச்சு தேய்க்கணும்டா... நான் மட்டும் ஆச்சியை புடிச்சேன்


Chivas Regal சிவசம்போ-
அடப்பாவிகளா... வெள்ளைக்காரன்கிட்டே அடி வாங்கி இன்னும் தழும்போடு இருக்கிற எத்தனையோ ஐயாக்கள்மார் ஊர்ல இருக்காங்க தெரியுமாடா ? சுதந்திரத்தைப்பற்றி முடிச்சவித்த சிறுக்கிகளுக்கு என்னங்கடா தெரியும் ?

நட்பூக்களுக்கு இனிய சுதந்திர தின வாழ்த்துகள் – கில்லர்ஜி
Related Posts Plugin for WordPress, Blogger...